قالوا على الدنيا غريبه
شوف كيف صرنا بها اغراب
هذا قريب يجافي قريبه
وهذا قريبٍ ما حوله اقراب
وهذا قريبٍ تفقده في مغيبه
وهذا قريبٍ ما تفقده لا غاب
وهذا قريبٍ على غيره مصيبه
وهذا قريبٍ من ربعه منصاب
وهذا قريبٍ استغلوه لطيبه
حتى من الطيب خاطره طاب
والآخر يكابر والطيّب يعيبه
وفي كل هرجه لا شك كذّاب
يبتدي الشك وتاخذه ريبه
وفي ابن عمه يشك و يرتاب
لا اقفى عنه ابتدا فيه غِيبه
ولحدٍ يردعه لا صار مغتاب
ما يحترم كبير لسنه وشيبه
ومن سواد قلبه الراس شاب
هذي الدنيا دورتها عجيبه
غربة قريب وسط الاقراب
يالله تجعل الخير من نصيبه
من تجمّل و للطيب كسّاب
ليست هناك تعليقات:
إرسال تعليق